EPF ETF මංකොල්ලයට හා කම්කරු නීති සංශෝධනයන්ට එරෙහිව ප්‍රොටෙක්ට් වෘත්තීය සමිතිය හා වෘත්තීය සමිති සන්ධානය සාමාජිකත්වය දැනුවත් කරයි.

කම්කරු නීති සංශෝධනයේ හා EPF-ETF මංකොල්ලයේ අභියෝගය මැයෙන් ඊයේ (27) ස්වාධින වෘත්තීය සමිති සන්ධානය විසින් වෘත්තීය සමිති නියෝජිත සම්මේලනයක් කැඳවා තිබිණ. සංවිධායකයින් පැවසුවේ ශ්‍රී ලංකාවේ සතර දෙසින්ම සමිති 16ක් නියෝජනය කරමින් වැඩපොළ මට්ටමින් සමිති නියෝජිතයින් දෙසියයක් පමණ සහභාගි වී සිටි අතර එය දවස පුරා සියලුදෙනාගේ දායකත්වයෙන් පැවැත්වූ බවයි. සංවිධායකයින්ට අනුව සතියේ වැඩකරන දිනක සමුළුව යොදාගෙන තිබුනත් කිසිදු වෘත්තීය සමිතියක් සහභාගිවීම සඳහා සේවායෝජකයින්ගෙන් හෝ රජයේ අදාළ බලධාරීන්ගෙන් රාජකාරි නිදහස්වීම ලබානොගෙන සිය දෛනික වැටුප කැපකරමින් තමුන්ගේ වියදමින් සමුළුවට සහභාගී වූ අතර එහි ස්වාධිනත්වයේ අනන්‍යතාවය සුරකිමින් අනුබද්ධිත සමිති වලින් එක සමානව බර පැන උසුලණු ලැබිණ.

කම්කරු නීති සංශෝධනයේ හා EPF-ETF මංකොල්ලයේ අභියෝගය හා එයට මුහුණ දිය යුතු ආකාරය පිළිබඳව දීර්ග වාද විවාද හා සාකච්චා පැවතී අතර සහභාගි වූ නියෝජිතයින් විසින් සිය වැඩපොළ දැනුවත් කිරීමට හා ඔවුන් ඉදිරි ක්‍රියාකාරකම් වලට පෙළගැස්වීමේ කාර්යභාරයට උරදීමට එකඟවූ අතර සටන ජයග්‍රහණයෙන් කෙළවර කලයුතු බවට සපත කළහ. ප්‍රොටෙක්ට් වෘත්තීය සමිතියේ සභාපති චතුර සමරසිංහ හා භාණ්ඩාගාරික ලසන්ත කුමාර සහෝදරයින් සමුළුව ඇමතීය. තවත් වෘත්තීය සමිති ක්‍රියාකාරිකයින් ගණනාවක් අදහස් පල කල අතර සමුළු යෝජනා ගණනාවක් සම්මත කෙරුණි. අවසානයේ දුම්රිය වෘත්තීය සමිතිවල ඉල්ලීමෙන් රාජ්‍ය සේවයේ නියුතු සේවකයින් ආවරණය වන පරිදි තවත් අමතර යෝජනා ගනනාවක්ද සම්මත කෙරින. මෙම වෘත්තීය සමිති නියෝජිත සමුළුව CMU ප්‍රධාන ශාලාවේදී පැවැත්විණි.

12312

ප්‍රොටෙක්ට් සමිතියේ සභාපති චතුර සමරසිංහ සොයුරා සභාව අමතමින් ....

2413

ප්‍රොටෙක්ට් සමිතියේ භාණ්ඩාගාරික ලසන්ත කුමාර සොයුරා සභාව අමතමින් ....

24323